Monday, 15 June 2009

Futa Fata Facebook!


Má bhíonn sibh ar Facebook, a chairde, tá leathanach nua ann ag Futa Fata:

http://www.facebook.com/pages/Futa-Fata/92479710339#/pages/Futa-Fata/92479710339?v=wall&viewas=1139807661

Beidh eolas rialta ann faoina bhfuil ar siúl againn, dlúthdhioscaí agus leabhair nua agus imeachtaí. An chéad cheann ná taispeántas agus margadh leabhar a mbeidh cuid mhaith d'fhoilsitheoirí na Gaeilge páirteach ann, Dé Sathairn beag seo ar Shráid an Chapaill Bhuí (Grand Parade) i gCathair Chorcaí, mar chuid de shraith imeachtaí atá eagraithe ag Leabharlanna Chathair Chorcaí, faoin teideal "Bliain an Léitheora Shíoraí - The Year of the Constant Reader". An-phlean é agus tá moladh ag dul do Chris Dorgan agus a chomhghleacaithe i Leabharlanna Chathair Chorcaí faoin ócáid a eagrú agus aitheantas a thabhairt d'fhoilsitheoireacht na Gaeilge.
Posted by at
Labels: ,

11 comments:

  1. aonghus15 June 2009 at 11:54

    Tá debhrí deas ag baint le "Constant" atá in easnamh ar Síoraí!

    Tá an chiall dílis leis freisin. Meas tú an bhfuil focal gaeilge a fhreagraíonn don chiall sin?

    (Fch ciall 4 anseo

    ReplyDelete
  2. aonghus15 June 2009 at 11:54

    Cad déarfá leis an Léitheoir Buan?

    buan [aidiacht den chéad díochlaonadh]
    a mhaireann, a sheasann, nach n-athraíonn choíche.

    ReplyDelete
  3. Tadhg Mac Dhonnagáin15 June 2009 at 13:23

    Síoraí sin "eternal", nach ea? Ach tá an bhrí "Constant" leis anseo san iarthar - "go seasta, síoraí", "go síoraí" - "bím go síoraí a rá leis a chuid stocaí a chur sa gciseán níocháin" (- sin sampla glan amach as mo shamhlaíocht). Úsáidtear "an tsíoraíocht" ar bhealach áibhéileach, ar bhealach cineál cosúil leis an sampla thuas - "thóg sé an tsíoraíocht orm mo bhealach a dhéanamh tríd an trácht". Is minic gur ciall cineál diúltach, sílim, a bhíonn le "síoraí/síoraíocht", sa taobh seo tíre ar aon nós.

    "An léitheoir dílis" b'fhéidir, an focal is fearr a thabharfadh leis an dá chiall "dílseacht" agus "leanúnachas". Tá sé dearfach mar chur síos chomh maith.

    ReplyDelete
  4. Dennis King15 June 2009 at 15:42

    Tá "buanseasmhach" ann, ach sílim go bhfuil sé beagán "trom" mar fhocal sa chomhthéacs seo. "Seasmhach" leis féin, b'fhéidir? An Léitheoir Seasmhach?

    ReplyDelete
  5. Tadhg Mac Dhonnagáin15 June 2009 at 15:47

    Tá seasmhach go maith - go barr an ranga leat arís a Dhonncha Mhic an Rí!!

    ReplyDelete
  6. Mise Áine15 June 2009 at 19:20

    Bliain an Bhithléitheora? Níl ann ach gur bean mhór na n-uamanna mé...:)

    ReplyDelete
  7. aonghus15 June 2009 at 19:27

    uaimtheach!

    ReplyDelete
  8. Tadhg Mac Dhonnagáin15 June 2009 at 20:01

    An gciallaíonn "bith-" seasmhach nó leanúnach? Tá amhrán agamsa agus "Bithbhuan" atá air = "everlasting". Ach shíl mé gur chiallaigh "bith" = an domhan. "Ar bed" atá ag na Briotáinigh ar "an domhan". Ciallaíonn "rud ar bith" - "rud ar domhan", nach ea? Nó b'fhéidir go bhfuil dul amu orm sa méid sin :)

    ReplyDelete
  9. aonghus15 June 2009 at 20:32

    Bhuel, mar a dúirt Myles tráth, níl ach focal amháin sa Ghaeilge atá aonbhríoch - sé sin, Sasanach!

    bith- [réimír]
    síor-, buan-.
    bith- [réimír]
    a bhaineann le beatha nó le rudaí beo

    Agus tá cúpla brí ag Dinneen leis - mí ádh ina measc!

    ReplyDelete
  10. Mise Áine15 June 2009 at 21:37

    Níl ann ach go bhfaca mé ‘bithluascadh’ do ‘constant rocking’ in Ó Dónaill, agus cheap mé gur fheil an ‘bith’, mar réimír, sa chás seo, freisin.

    An méid sin ráite, níor mhaith liom ‘mí-ádh’ a chur roimh aon léitheoir…:)

    ReplyDelete
  11. Drift Financial Services16 November 2021 at 07:42

    Best content & valuable as well. Thanks for sharing this content.
    Approved Auditor in DAFZA
    Approved Auditor in RAKEZ
    Approved Auditor in JAFZA
    i heard about this blog & get actually whatever i was finding. Nice post love to read this blog
    Approved Auditor in DMCC

    ReplyDelete

Subscribe to: Post Comments (Atom)